ఛత్రపతి శివాజీ కలలు కన్న భారతాన్ని నిర్మిద్దాం... అమిత్ షా

కేంద్ర హోంమంత్రి అమిత్ షా మహారాష్ట్రలోని పూణేలోని నేషనల్ డిఫెన్స్ అకాడమీ (NDA) క్యాంపస్‌లో దిగ్గజ మరాఠా యోధుడు పేష్వా బాజీరావు I, గుర్రంపై స్వారీ చేస్తున్నట్లుగా ఉన్న విగ్రహాన్ని ఆవిష్కరించారు. ఈ సందర్భంగా షా మాట్లాడుతూ, బాజీరావు ఆదర్శప్రాయమైన నాయకత్వం , అతను దేశానికి చేసిన సేవలను గురించి ప్రముఖంగా వివరిస్తూ, "సైన్యం, నౌకాదళం , వైమానిక దళం కి సంబంధించిన భవిష్యత్తు నాయకులకు శిక్షణా స్థలంగా ఉన్న నేషనల్ డిఫెన్స్ అకాడమీ బాజీరావు విగ్రహానికి అత్యంత సముచితమైన ప్రదేశం" అని అన్నారు.

 

NDA క్యాంపస్‌లో పేష్వాకు చెందిన 13.5 అడుగుల ఎత్తైన, 4,000 కిలోల బరువున్న కాంస్య విగ్రహాన్ని షా ఆవిష్కరించారు. 40 సంవత్సరాల వయసులో మరణించి, తన జీవితకాలంలో ఎప్పుడూ యుద్ధంలో ఓడిపోని ఘనత పొందిన బాజీరావు I విగ్రహాన్ని పాలకుడి ధైర్యసాహసాలను గౌరవించడానికి , NDA క్యాడెట్‌లకు స్ఫూర్తిదాయకంగా పనిచేయడానికి ఏర్పాటు చేశారు..

 

ఈ కార్యక్రమంలో వారు మాట్లాడుతూ “. దేశభక్తి, అంకితభావం, త్యాగం అనేవి యుధ్దం ప్రాథమిక సూత్రాలు. అవి పురాతన కాలం నుంచి నేటివరకు అలాగే ఉన్నాయి. ఈ ప్రాథమిక సూత్రాలు యుద్ధంలో అంతర్భాగం. NDA క్యాడెట్లు దేశానికి సేవ చేయడానికి సిద్ధమవుతున్నప్పుడు, వారు ఈ బాజీరావు పేష్వా విగ్రహం నుండి ప్రేరణ పొందుతారు అని అన్నారు. మన స్వాతంత్ర్య సంగ్రామం శివాజీ మహారాజ్ నుంచే మొదలైంది. పీష్వాలు దాన్ని మరో వందేళ్లు ముందుకు తీసుకెళ్లారు. ఇదే జరగకపోతే భారతదేశ ప్రాథమిక నిర్మాణం నిలిచిపోయేదని పేర్కొన్నారు.

 

పేష్వా బాజీరావు కేవలం 20 సంవత్సరాలలో 41 విజయవంతమైన పోరాటాలకు నాయకత్వం వహించాడని, ఓడిపోతాం అనుకున్న యుద్ధాలను కూడా విజయం సాధించేలా చేశాడని ఆయన ఘనతను ఈసందర్భంగా వారు వివరించారు.. అటువంటి వీరోచిత వారసత్వాలను యువతరానికి అందించడం మన భాధ్యత అని వారు అన్నారు. "ఛత్రపతి శివాజీ మహారాజ్ కలలుగన్న భారతదేశ దార్శనికతను సాకారం చేసుకోవడం మన బాధ్యత. ఆ దిశలో ఆపరేషన్ సింధూర్ అనేది అలాంటి అడుగు" అని షా అన్నారు.

 

ఈ కార్యక్రమంలో అమిత్ షా తో పటుగా కేంద్ర పౌర విమానయాన శాఖ సహాయ మంత్రి మురళీధర్ మొహోల్, మహారాష్ట్ర ముఖ్యమంత్రి దేవేంద్ర ఫడ్నవీస్, ఉప ముఖ్యమంత్రులు అజిత్ పవార్, ఏక్‌నాథ్ షిండే, సదరన్ కమాండ్ జనరల్ ఆఫీసర్ కమాండింగ్-ఇన్-చీఫ్ లెఫ్టినెంట్ జనరల్ ధీరజ్ సేథ్ , ఇతర ప్రముఖులు కూడా ఈ కార్యక్రమంలో పాల్గొన్నారు.