తెలంగాణ అంతటా సంఘ విజయ దశమి ఉత్సవ వేడుకలు

రాష్ట్రీయ స్వయంసేవక్ సంఘ్ (RSS) ప్రతి సంవత్సరం నిర్వహించే విజయదశమి ఉత్సవ్, ఈ సంవత్సరం సంస్థ శతాబ్ది ఉత్సవాలను పురస్కరించుకుని మరింత ప్రాముఖ్యతను సంతరించుకుంది. భాగ్యనగరం అంతటా విజయదశమి ఉత్సవాలు అనేక వేదికలలో జరుగుతున్నాయి.

 

బడంగ్‌పేటలో, తిరుమల గార్డెన్స్‌లో సంఘ విజయదశమి ఉత్సవం జరిగింది, దీనికి DRDO శాస్త్రవేత్త డాక్టర్ జగన్నాథ్ నాయక్ ముఖ్య అతిథిగా హాజరయ్యారు. ఈ సందర్భంగా విజయ దశమి వైభవాన్ని ఆత్మ నిర్భర్ భారత్ దార్శనికతతో అనుసంధానిస్తూ ఆయన మాట్లాడారు. ఆపరేషన్ సింధూరాన్ని గుర్తుచేసుకుంటూ, సైన్స్ శత్రు శక్తులను ఎలా అణిచివేసింది , యోగా ఆధారిత వ్యక్తిగత అభివృద్ధి జాతీయ బలానికి ఎలా దోహదపడిందో ఆయన వివరించారు.

 

ఇక నార్సింగ్ లోని మై హోమ్ అవతార్‌లో జరిగిన ఉత్సవంలో స్వయంసేవకులు, యువత, మహిళలు పిల్లలు సహా 371 మంది పాల్గొన్నారు. రిటైర్డ్ ఐపీఎస్ అధికారి జెడి లక్ష్మీనారాయణ ముఖ్య అతిథిగా పాల్గొన్నారు. వారు మాట్లాడుతూ “ప్రపంచం శక్తి ముందు తలవంచుతుంది, కానీ అది ధర్మశక్తి అయినప్పుడు మాత్రమే అది సార్వత్రిక సంక్షేమానికి దారితీస్తుంది. విజయ దశమి సాత్విక శక్తి విజయానికి చిహ్నం. ఈ రోజే తన ప్రయాణాన్ని ప్రారంభించిన ఆర్‌ఎస్‌ఎస్, సమాజంలో అటువంటి సాత్విక బలాన్ని నిర్మించి ఇప్పుడు 100వ సంవత్సరంలోకి అడుగుపెడుతోంది.” అని వ్యాఖ్యానించారు.

 

క్షేత్ర ప్రచార ప్రముఖ్ అయిన ఆయుష్ మాట్లాడుతూ , 1925లో ఆర్‌ఎస్‌ఎస్ స్థాపన వెనుక డాక్టర్ హెడ్గేవార్ దార్శనికతను వివరిస్తూ ప్రసంగించారు. అనైక్యత ,క్రమశిక్షణ లేకపోవడం వంటి జాతీయ క్షీణతకు గల కారణాలను ఆయన విశ్లేషించారు . కుటుంబం, సమాజం , దేశాన్ని బలోపేతం చేసే క్రమశిక్షణ గల వ్యక్తులను నిర్మించడంలో శాఖల పాత్రను ప్రధానంగా చెప్పారు. ఆధునిక గేటెడ్ కమ్యూనిటీలలో శాఖలు కుటుంబాలను ఎలా ఏకం చేస్తున్నాయో మరియు క్రమశిక్షణ, ఐక్యత, దేశభక్తి , సాంస్కృతిక విలువలను ఎలా పెంపొందిస్తున్నాయో కూడా ఆయన వివరించారు.

 

ఇక ప్రప్రథమంగాహైదరాబాద్ సెంట్రల్ యూనివర్సిటీలో సంఘ విజయదశమి ఉత్సవం జరిగింది. ఈఉత్సవంలో 112 మంది పాల్గొన్నారు, వీరిలో 100 మందికి పైగా పురుషులు , 14 మంది మహిళలు ఉన్నారు. ఆర్‌ఎస్‌ఎస్ తెలంగాణ ప్రాంతీయ ప్రచారక్ లింగం శ్రీధర్ ఈ సమావేశాన్ని ఉద్దేశించి ప్రసంగిస్తూ, ఆర్‌ఎస్‌ఎస్ "ఏ భావజాలానికి వ్యతిరేకం కాదు" కానీ సార్వత్రిక ఆలోచనను సూచిస్తుందని, అందరినీ స్వాగతిస్తుందని చెప్పారు. దేశం కోసం పౌరులు సమయాన్ని కేటాయించాలని . స్వయంప్రతిపత్తి మరియు బాధ్యతతో వచ్చే విధులను నిర్వహించాలని ఆయన కోరారు.

 

పై మూడు కార్యక్రమాలలోనూ, వక్తలు పంచ పరివర్తన్ - సామాజిక సామరస్యం, కుటుంబ జ్ఞానోదయం, పర్యావరణ పరిరక్షణ, సాంస్కృతిక గర్వం , పౌర బాధ్యత వంటివి ప్రధానంగా వివరించారు. ఆర్‌ఎస్‌ఎస్ తెలంగాణ విభాగం రాష్ట్రవ్యాప్తంగా 4,000 విజయ దశమి ఉత్సవాలతో శతాబ్ది ఉత్సవాలను జరుపుకుంటోంది. ఈ వేడుకలను గ్రామీణ స్థాయిలోకూడా నిర్వహిస్తున్నారు. పట్టణాల్లో బస్తీల వారీగా లేదా 2-3 గ్రామాలను ఉప మండలంగా విభజించడం ద్వారా దాదాపు 10,000 జనాభాను ఒక యూనిట్‌గా పరిగణిస్తున్నారు. సెప్టెంబర్ 22 నుండి జరుగుతున్న ఈ కార్యక్రమాలకు స్థానిక స్వయంసేవకులు నాయకత్వం వహిస్తున్నారు.