కార్బి ఆంగ్లాంగ్‌లో వైభవంగా ఆర్‌ఎస్‌ఎస్ యువ సమ్మేళనం
ఈ సందర్భంగా డాక్టర్ సునీల్ మొహంతి మాట్లాడుతూ, భారతదేశ స్వాతంత్ర్య పోరాటంలో కార్బి వన్వాసీ సమరయోధులు చేసిన త్యాగాలను కొనియాడారు. బ్రిటిష్ పాలనకు వ్యతిరేకంగా పోరాడి, దేశ స్వాతంత్ర్యం కోసం 1858 మార్చి 10న జోహాట్ జైలులో ఉరిశిక్షను ఎదుర్కొని ప్రాణాలర్పించిన కార్బి అమరవీరుడు నొంగ్‌జెరోంగ్ లెక్తె ధైర్యసాహసాలను ఆయన గుర్తుచేశారు.
ఈ కార్యక్రమంలో విద్యార్థులు అడిగిన ప్రశ్నలకు వక్త ఎంతో చక్కటి సమాధానాలిచ్చారు. గిరిజన సమాజాలలో, ముఖ్యంగా కార్బి ప్రజల మధ్య ఆర్‌ఎస్‌ఎస్ ఎలాంటి పాత్ర పోషిస్తోందని పదవ తరగతి విద్యార్థిని కుంగ్రి బేపి ప్రశ్నించగా... వనవాసి కళ్యాణ్ ఆశ్రమం, ఏక్ల విద్యాలయ వంటి సంస్థల ద్వారా ఈ ప్రాంత గిరిజనులకు విద్యను అందిస్తూ వారి గుర్తింపును పరిరక్షించేందుకు సంఘ్ నిరంతరం సేవనందిస్తోందని డాక్టర్ సునీల్ మొహంతి వివరించారు. అలాగే, స్వాతంత్ర్య పోరాటంలో అద్భుతమైన త్యాగాలు చేసిన నొంగ్‌జెరోంగ్ లెక్తె లాంటి వీరులకు చరిత్రలో తగిన గుర్తింపు రాలేదని రేణుకా తేరాంగ్‌పి అనే విద్యార్థిని ఆవేదన వ్యక్తం చేయగా... 'భారత్ కా అమృత్ మహోత్సవ్' తర్వాత నుంచి ఇలాంటి గుర్తింపు లేని అమరవీరులందరికీ తగిన ప్రాధాన్యం లభిస్తోందని ఆయన బదులిచ్చారు.
ఈ కార్యక్రమంలో జిల్లా సంఘచాలక్ దుంబరుధోర్ క్రో, విభాగ్ కార్యవాహ్ జెమ్సన్ క్రోతో పాటు పలువురు జిల్లా స్థాయి అధికారులు పాల్గొన్నారు. దుంబరుధోర్ క్రో అఖిలవాణిని వినిపించడంతో ఈ కార్యక్రమం ముగిసింది. యువతకు మన సంస్కృతిని పరిచయం చేయడం, సాంస్కృతిక చైతన్యాన్ని పెంపొందించడం, మరుగడుగున పడిన మన వీరుల చరిత్రను వెలుగులోకి తీసుకురావడమే ఈ యువ సమ్మేళన ప్రధాన ఉద్దేశమని నిర్వాహకులు తెలిపారు. ఆర్‌ఎస్‌ఎస్ శతాబ్ది ఉత్సవాలతో పాటు రాబోయే విజయదశమి వేడుకలను పురస్కరించుకుని ఈ ప్రాంతంలో ఇలాంటి అనేక కార్యక్రమాలను నిర్వహిస్తున్నారు.