ఉజ్జయినిలోని బాబా మహాకాళ్ దినచర్యలో మార్పులు

ఉజ్జయిని: మధ్యప్రదేశ్ ఉజ్జయినిలోని విశ్వప్రసిద్ధ జ్యోతిర్లింగ క్షేత్రం శ్రీ మహాకాళేశ్వర ఆలయంలో కార్తీక కృష్ణ పాడ్యమి (అక్టోబర్ 27) నుండి బాబా మహాకాళుడి రోజువారీ దినచర్యలో మార్పులు చోటుచేసుకున్నాయి. శీతాకాల ఆగమనాన్ని పురస్కరించుకుని ఆలయంలో ప్రతిరోజూ నిర్వహించే ఐదు ప్రధాన హారతులలో మూడింటి సమయాలను సవరించినట్లు ఆలయ అర్చకులు తెలిపారు.

పంచాంగం , క్షేత్ర సాంప్రదాయం ప్రకారం శరద్ పూర్ణిమ నాటి నుంచే శీతాకాలం ప్రారంభమైనట్లు భావిస్తారు. ఈ క్రమంలో కార్తీక కృష్ణ పాడ్యమి నుంచి ఫాల్గుణ పూర్ణిమ (హోలీ) వరకు ఈ కొత్త సమయ వేళలు అమలులో ఉంటాయి.

మారిన హారతుల సమయం:

• దద్యోదక్ (బాల్ భోగ్) హారతి: ఉదయం 7:00 గంటలకు బదులుగా అర్ధగంట ఆలస్యంగా ఉదయం 7:30 నుండి 8:15 గంటల వరకు జరుగుతుంది.

• భోగ్ ఆరతి: ఉదయం 10:00 గంటలకు బదులుగా ఉదయం 10:30 నుండి 11:15 గంటల వరకు నిర్వహిస్తారు.

• సంధ్యా హారతి: సాయంత్రం 7:00 గంటలకు బదులుగా అర్ధగంట ముందుగా సాయంత్రం 6:30 నుండి 7:15 గంటల వరకు ఉంటుంది.

యథాతథంగా కొనసాగే సేవలు:

బాబా మహాకాళుడి అత్యంత ప్రసిద్ధ భస్మ హారతి (తెల్లవారుజామున 4:00 నుండి 6:00 వరకు), సాయంత్రం సంధ్యా పూజ (సాయంత్రం 5:00 నుండి 5:45 వరకు) మరియు రాత్రి శయన హారతి (రాత్రి 10:30 నుండి 11:00 వరకు) సమయాల్లో ఎలాంటి మార్పు ఉండదు.

కాగా, తదుపరి మార్పు రూప చతుర్దశి (నరక చతుర్దశి) నాటి నుంచి ఉండనుంది. ఆ రోజు నుంచి భస్మ ఆరతి సమయంలో స్వామివారికి వేడినీటి స్నానం సేవ , సుగంధ పరిమళ ద్రవ్యాల లేపనం (ఉబ్టన్) అలంకరణ వేడుకలు ప్రారంభమవుతాయి. మహాకాళేశ్వరుని ఆరతులు, దర్శనం కోసం ఉజ్జయినికి వచ్చే భక్తులు ఈ నూతన సమయ పట్టికను గమనించి ప్రణాళికలు సిద్ధం చేసుకోవాలని ఆలయ యంత్రాంగం విజ్ఞప్తి చేసింది.