కేరళం : దేశంలో ఇప్పుడు అంతా ‘‘తప్పుడు కథనాలు’’ రాజ్యమేలుతున్నాయని, ఈ వాతావరణాన్ని మార్చేందుకు ప్రజల ముందు వాస్తవ కథనాలను వుంచాలని ప్రజాప్రవాహ్ జాతీయ సమన్వయకర్త జె. నందకుమార్ పిలుపునిచ్చారు. నవంబర్ 13న తిరువనంతపురంలో అన్నారు. రాష్ట్రీయ స్వయంసేవక్ సంఘ్కు చెందిన తిరువనంతపురం విభాగ్ సంపర్క్ విభాగం నిర్వహించిన “భారత్@2047 – నాగరికత వారసత్వం నుంచి ప్రపంచ నాయకత్వం వరకు” అనే కార్యక్రమంలో ఆయన కీలకోపన్యాసం చేశారు.
ఈ సందర్భంగా ఆయన మాట్లాడుతూ తప్పుడు కథనాలను, అవాస్తవ ప్రచారాలను, కల్పిత చరిత్రను ఎదుర్కోడానికి అందరూ మన స్మృతులను, ఘనమైన వారసత్వాన్ని పునరుద్ధరించుకోవాలని సూచించారు. విజ్ఞాన శాస్త్రం, వైద్య శాస్త్రం మరియు వాస్తుశిల్ప రంగాలలో మనకున్న వారసత్వాన్ని కొత్త తరానికి అందించే ప్రయత్నాలను మనం మరింత బలోపేతం చేయాలని ఆయన పేర్కొన్నారు.ఈ లక్ష్య సాధనలో ప్రతి ఒక్కరూ తమ పాత్రను గుర్తెరిగి, దానిని సమర్థవంతంగా పోషించాలని పిలుపునిచ్చారు.
దీనికి సంబంధించి, ప్రధానంగా మూడు అంశాల ప్రాతిపదికన ‘విజన్ డాక్యుమెంట్లు’’ ను సిద్ధం చేసుకోవాల్సిన అవసరం వుందని సూచించారు. ఇందులో భాగంగా ...
2047 నాటికి భారత్ ఏ స్థితికి చేరుకోవాలో నిర్దేశించే వ్యక్తిగత విజన్ స్టేట్మెంట్ను సిద్ధం చేయడం.
కార్మిక రంగంలో తీసుకురావాల్సిన మార్పులను ఊహించడం మరియు ప్రణాళికాబద్ధం చేయడం.
2047 నాటికి ఆరోగ్య రంగంలో సాధించాల్సిన మార్పులు మరియు అభివృద్ధి.
"ఆరోగ్యవంతమైన తరాలను తీర్చిదిద్దేలా ఆరోగ్య రంగంలో సమూల మార్పులను తీసుకురావాలి" అని జె. నందకుమార్ నొక్కి చెప్పారు.
ప్రధానమంత్రి మరియు కేంద్ర ప్రభుత్వం సేవాభారతి, ఆరోగ్యభారతి మరియు వైద్యులను ఒకచోట చేర్చి, ఒక ‘జాతీయ దృక్పథాన్ని’ రూపొందించడానికి ప్రయత్నిస్తున్నాయని నందకుమార్ పేర్కొన్నారు. ఇందులో ప్రతి ఒక్కరూ కీలక పాత్ర పోషించాల్సి ఉంటుందని ఆయన తెలిపారు.
ఈ కార్యక్రమంలో ఆర్ఎస్ఎస్ విభాగ్ సంఘచాలక్ పి.గిరీష్, సేవాభారతి రాష్ట్ర అధ్యక్షుడు డాక్టర్ రంజిత్ విజయహరి, డాక్టర్ విజయమోహన్ తదితరులు పాల్గొన్నారు. పద్మశ్రీ గ్రహీతలు డాక్టర్ కె.పి. ఈ సందర్భంగా హరిదాస్, డాక్టర్ మార్తాండన్ పిళ్లైలను ఘనంగా సత్కరించారు.