ముగ్గురు ఇస్లామిక్ ఉగ్రవాదుల పోస్టర్ల విడుదల... పట్టిస్తే.. 30 లక్షల రివార్డు కూడా

VSK Telangana    16-Nov-2026
Total Views |
 
jk
 
శ్రీనగర్ : జమ్మూ కాశ్మీర్ పోలీసులు ముగ్గురు ఇస్లామిక్ ఉగ్రవాదుల ఫోటోలను కిష్త్వార్ జిల్లా వ్యాప్తంగా వున్న చెక్ పోస్టుల వద్ద పోస్టర్ల రూపంలో వుంచారు. వీరి సమాచారం ఇచ్చిన వారికి 30 లక్షల రివార్డును కూడా ప్రకటించారు. ఆ ఉగ్రవాదులను మహమ్మద్ అమీన్ అలియాస్ జహంగీర్, రియాజ్ అహ్మద్ అలియాస్ హజారీ, మరియు ముదస్సిర్ హుస్సేన్‌లుగా గుర్తించారు. వారి ఆచూకీకి సంబంధించిన ఏదైనా సమాచారం తెలిస్తే తమతో పంచుకోవాలని పోలీసులు ప్రజలకు విజ్ఞప్తి చేశారు.
 
దచ్చన్ ఎగువ ప్రాంతంలోని అటవీ ప్రాంతం నుండి ఇద్దరు స్పెషల్ పోలీస్ ఆఫీసర్లు (SPOలు) రిషిపాల్, బాబీ చంద్ మృతదేహాలను స్వాధీనం చేసుకున్న ఒక రోజు తర్వాత పోలీసులు ఈ చర్య తీసుకున్నారు.
ఈ ఇద్దరు ఎస్పీఓలు స్పెషల్ ఆపరేషన్స్ గ్రూప్ (SOG)లో సభ్యులుగా ఉన్నారు మరియు విధి నిర్వహణలో ఉండగా అదృశ్యమయ్యారు. వారి మృతదేహాలపై బుల్లెట్ గాయాలు ఉండగా, వారి సర్వీస్ ఆయుధాలు కూడా కనిపించకుండా పోయాయి.
 
దచ్చన్ ప్రాంతంలో జరిగిన ఉగ్రదాడిలో ప్రాణాలు కోల్పోయిన స్పెషల్ పోలీస్ ఆఫీసర్లు (SPOలు) బాబీ చంద్ (57), రష్పాల్ కుమార్ (45)లకు నివాళులర్పిస్తూ కిష్త్వార్‌లో పూర్తి అధికారిక లాంఛనాలతో పుష్పగుచ్ఛాలు ఉంచి శ్రద్ధాంజలి ఘటించారు.
 
విధి నిర్వహణలో ఉండగా అదృశ్యమైన ఒక రోజు తర్వాత, దచ్చన్ ప్రాంతంలోని దట్టమైన అడవిలో బుల్లెట్ గాయాలతో ఉన్న ఇద్దరు ఎస్పీఓల మృతదేహాలు లభ్యమయ్యాయి. వారి సర్వీస్ ఆయుధాలైన ఒక ఇన్సాస్ (INSAS) రైఫిల్, ఒక .303 రైఫిల్‌తో పాటు మ్యాగజైన్‌లు, మందుగుండు సామగ్రి కూడా కనిపించకుండా పోయాయి. వాటిని ఉగ్రవాదులు తీసుకెళ్లి ఉంటారని భావిస్తున్నారు. వారి అదృశ్యం తర్వాత భద్రతా దళాలు భారీ గాలింపు చర్యలు చేపట్టాయి.
 
విధి నిర్వహణలో ప్రాణత్యాగం చేసిన జమ్మూ కాశ్మీర్ పోలీసుల ధైర్యసాహసాలకు జమ్మూ కాశ్మీర్ లెఫ్టినెంట్ గవర్నర్ మనోజ్ సిన్హా కూడా నివాళులర్పించారు.