(గోపాష్టమి సందర్భంగా)
అత్యంత ప్రాచీన కాలం నుంచి మన దేశంలో ఆవు కుటుంబంలో సభ్యురాలు. మూపురము, గంగడోలు భారతీయ గోసంతతి విశేషత. అయితే.. నవంబర్ 17 ‘‘గోపాష్టమి’’. అత్యంత పవిత్రమైన రోజు. దేశీ ఆవులకు, సంకరజాతి ఆవులకు మధ్య వున్న వ్యత్యాసాన్ని కచ్చితంగా మనం తెలుసుకోవాలి.
సంకరజాతి ఆవులు ఎక్కువ పాలు ఇస్తాయి. అయితే.. అవి కొద్ది సంవత్సరాలే ఇస్తాయి. స్వదేశీ గోసంతతి ద్వారా వచ్చే పాలు, గోమూత్రం, గోపంచకం వీటిలో మాత్రమే ఔషధ గుణాలు వున్నాయి. రోగ నిరోధక శక్తిని కలిగి వుండి, వేడి ప్రాంతంలో కూడా శ్రమిస్తాయి. ఔషధగుణాలు కలిగిన పంచగవ్యాన్ని ఇవ్వడం భారతీయ గోవంశపు ప్రత్యేకత.
దేశీయ ఆవుల లక్షణాలు :
నడుముపై మూపురం, మెడ కింద గంగడోలు. మూపురంలో సూర్యనాడి వుంటుంది. ఫలితంగా పాలు పసుపు పచ్చగా బంగారం రంగులో వుంటాయి.
సాధారణంగా కొమ్ములు పొడుగ్గా వుంటాయి. శరీరం సాధారణమే.
దేశీయ గోసంతానమైన ఎద్దులు బాగా శ్రమిస్తాయి. వ్యవసాయంలో విరివిగా ఉపయోగపడతాయి.
ఈ ఆవు ఉచ్ఛస్వరంతో అరుస్తుంది.
దేశీ ఆవు చలాకీగా, చురుగ్గా వుంటుంది.
ఈ ఆవులు తన యజమానికే పాలనిస్తాయి. కొత్త వ్యక్తులకు ఇవ్వవు. వందల ఆవులున్నా... దూడ తన తల్లిని గుర్తుపట్టేస్తుంది. ఎంత దూరంలో వున్నా.. ఇంటిని కూడా గుర్తు పట్టేస్తుంది.
దేశీయ ఆవుల వల్ల కలిగే ప్రయోజనాలు :
1.దేశీయ సంతతికి చెందిన ఆవు పాల వల్ల బుద్ధి సునిశితం అవుతుంది. అన్ని పౌష్టిక పదార్థాలను కలిగి వుంటుంది. విషకరమైన వాటిని నిరోధించి, శక్తిని కలిగిస్తుంది. ఇది సర్వోత్తమమైనది. తల్లి పాలవలె జీర్ణం అవుతాయి. తల్లి పాలలో వుండే అన్ని సుగుణాలూ వుంటాయి.
2.పాలను ఎక్కువ పరిణామంలో ఇవ్వదు. అయితే 12 సంవత్సరాల పాటు వరుసగా ఇస్తుంది.
3.దేశీయ సంతతికి చెందిన కార్బన్ డైయాక్సైడ్ ను శ్వాసగా తీసుకొని, ఆక్సిజన్ ను శ్వాసగా వదులుతుంది.
4.దేశీయ ఆవు నెయ్యి కొలెస్ట్రాల్ ను తగ్గిస్తుంది. బుద్ధి సునిశితం చేస్తుంది. విష పదార్థాల నుంచి రక్షించి రోగ నిరోధక శక్తిని పెంచుతుంది.
5. దేశీయ ఆవు చర్మానికి విషగుణాలను హరించే లక్షణం వుంది. తోక ద్వారా చర్మాన్ని శుభ్రంగా వుంచుకుంటుంది. ఆవు శరీరాన్ని నిమిరితే.. ఆరోగ్యం కూడా మెరుగవుతుంది.
6.దేశీయ ఆవు పాల వల్ల లభించే మజ్జిగ చలువ చేస్తుంది. పైత్యాశయం, ప్రేగులను కూడా శుభ్రం చేస్తుంది. బుద్ధికి బలాన్నిస్తుంది.
7.స్వదేశీ ఆవులలో బీటా కాసో మార్లెన్ అనే విషకణం వుండదు.
8.ఆవు, పాలు, పెరుగు, నెయ్యి, మూత్రం, గోమయం చాలా విలువైంది.
9.ఆవు మరణానంతరం కొమ్ములు ఇతర శరీర భాగాలు భూమిలో, పొలంలో పాతిపెడితే విశేషమైన ఎరువుగా ఉపకరిస్తుంది.
10.దేశీయ ఆవు పాల వల్ల వచ్చే నెయ్యి ఓ తులాన్ని మండిస్తే... ఓ టన్ను ఆక్సిజన్ విడుదల అవుతుంది.
11.ఆవు పాలల్లో కైరోటిన్ అనే పదార్థం వుంటుంది. దీనివల్ల నేత్ర వ్యాధులు నయం అవుతాయి.