శ్రీనగర్ : భారత దేశ భద్రతాబలగాలు ఓ అద్భుతమైన విజయాన్ని పొందాయి. వాంటెడ్ ఇస్లామిక్ ఉగ్రవాదాన్ని హతం చేసేశాయి. జమ్మూ కాశ్మీర్ లోని కుల్గామ్ జిల్లాలో ఉగ్రవాదులు, భద్రతా బలగాల మధ్య భీకర ఎన్ కౌంటర్ జరిగింది. ఈ ఎన్ కౌంటర్ లో లష్కర్ కమాండర్, ఇస్లామిక్ ఉగ్రవాది లతీఫ్ భట్ హతమయ్యాడు. ఎన్ కౌంటర్ కి ముందు భద్రతా బలగాలు అతడితో వీడియో కాల్ ద్వారా మాట్లాడారు. లొంగిపోవాలని పదే పదే కోరారు. అయినా.. నిరాకరించాడు. చివరికి భద్రతా బలగాలు మట్టుబెట్టాయి.
ఎల్ఈటీ అగ్ర కమాండర్ లతీఫ్ భట్ను విజయవంతంగా హతమార్చిన అనంతరం, సెంట్రల్ రిజర్వ్ పోలీస్ ఫోర్స్ డైరెక్టర్ జనరల్ జ్ఞానేంద్ర ప్రతాప్ సింగ్ సీఆర్పీఎఫ్ సిబ్బందిని అభినందిస్తూ, “కొన్ని వంటకాలు చల్లగా ఉన్నప్పుడే ఉత్తమంగా ఉంటాయి” అని వ్యాఖ్యానించారు. నవంబర్ 11న సీఆర్పిఎఫ్ చెక్పాయింట్పై జరిగిన దాడికి సూత్రధారిగా ఉన్న భట్ ఒక మసీదులో దాక్కోవడాన్ని పోలీసులు గుర్తించారు.
భద్రతా బలగాలతో వీడియో కాల్ లో మాట్లాడుతున్న సమయంలో ఉగ్రవాది లతీఫ్ భట్.. ‘‘“నేను అల్లాను కలవడానికి బయలుదేరాను. నేను చాలా సంతోషంగా ఉన్నాను. నేను అల్లాను, ఆయన ప్రవక్త అయిన ముహమ్మద్ను కలుసుకుంటాను. అల్లా గొప్పవాడు,” అని బదులిచ్చాడు.“లతీఫ్ భాయ్, మేము మీతోనే ఉన్నాము… మీరెందుకు ఈ మార్గాన్ని ఎంచుకుంటున్నారు? లొంగిపోండి, ఆగండి. నేను అక్కడికి వస్తున్నాను” అంటూ చెప్పగా, ఆ ఉగ్రవాది “నాకు అల్లా మాత్రమే తోడుగా ఉన్నాడు. నాకు అల్లా ఒక్కడే చాలు. అల్లానే సర్వోన్నతుడు” అంటూ బదులిచ్చారు.
ఒక సీనియర్ పోలీసు అధికారి విలేకరులతో మాట్లాడుతూ, భట్ మసీదులో ఉండి భద్రతా దళాలపై కాల్పులు జరుపుతున్నాడని చెప్పారు. కుల్గామ్లోని పలు గ్రామాల్లో భద్రతా దళాలు తమ ఆపరేషన్ను ముమ్మరం చేయడంతో, తెల్లవారుజామున మళ్లీ కాల్పులు చోటుచేసుకున్నాయి. భట్ సహచరుడైన ఉమర్ నిసార్ దార్, సోమవారం కుల్గామ్లో జరిగిన ఎదురుకాల్పుల్లో హతమయ్యాడు.
మరోవైపు ఇస్లామిక్ ఉగ్రవాది లతీఫ్ భట్ ను భద్రతా బలగాలు హతమార్చడంపై భద్రతా బలగాలను కేంద్ర హోం మంత్రి అమిత్ షా అభినందించారు. కాశ్మీర్ లోయలో క్రియాశీలకంగా వున్న చివరి స్థానిక ఉగ్రవాది లతీఫ్ భట్ అని అమిత్ షా పేర్కొన్నారు. అన్ని భద్రతా సంస్థల మధ్య అద్భుతమైన సమన్వయం కనిపించిందని మెచ్చుకున్నారు. ఈ ఆపరేషన్ లో పాల్గొన్న సిబ్బంది ధైర్యసాహసాలను దేశం అభినందిస్తోందని అన్నారు