లాల్ చౌక్ లో వైభవంగా దీపావళి.. హనుమాన్ చాలీసా పారాయణ కూడా..
Total Views |
శ్రీనగర్ : జమ్మూ కాశ్మీర్ లోని ప్రసిద్ధమైన లాల్ చౌక్ లో హిందువులు అత్యంత వైభవంగా దీపావళి వేడుకలను నిర్వహించారు. ఘంటా ఘర్ ప్రాంతానికి దీపావళి వేడుకల సందర్భంగా అధిక సంఖ్యలో తరలివచ్చారు. దీంతో ఆ ప్రాంతాన్ని రంగురంగుల దీపావలతో అందంగా అలంకరించారు. దీంతో మరింత కనువిందు చేసింది. ప్రజలు పెద్ద సంఖ్యలో ఈ వేడుకల్లో పాల్గొని, ఆనందాన్ని, ఉత్సాహాన్ని పంచుకున్నారు. ఈ సందర్భంగా హనుమాన్ చాలీసాను కూడా పారాయణ చేశారు.
"మేము ఇక్కడ లాల్ చౌక్‌లో దీపావళిని జరుపుకుంటున్నందుకు చాలా సంతోషంగా ఉంది. శ్రీనగర్‌లో నేను జరుపుకుంటున్న మొదటి దీపావళి ఇది. దేశ ప్రయోజనాల కోసం ఇక్కడ ప్రజలు చేస్తున్న కృషిని చూస్తుంటే, లాల్ చౌక్‌లో దీపావళిని జరుపుకోవడం చాలా ఆనందంగా అనిపిస్తోంది." అంటూ పేర్కొన్నారు.
“ఇక్కడ ప్రశాంతమైన వాతావరణం ఉంది. మేము మొదటిసారి కాశ్మీర్‌కు వచ్చాము, ఇక్కడ ఎంతో సంతోషకరమైన వాతావరణం కనిపిస్తోంది. కాశ్మీర్ చాలా మారిపోయింది. కాశ్మీర్ ప్రజల కోసం ఇంతలా ఎన్నో పనులు జరుగుతుండటం చూసి నాకు చాలా సంతోషంగా ఉంది.” అంటూ ఢిల్లీ పర్యాటకులు కూడా పేర్కొన్నారు.
ఇక.. అక్కడి జవాన్లు కూడా అంతే వైభవంగా, ఆనందంగా దీపావళి జరుపుకున్నారు.తమ కుటుంబాలకు దూరంగా ఉన్నప్పటికీ, మాతృభూమిపై అచంచలమైన ప్రేమతో బంధించబడిన కాశ్మీర్‌లోని నియంత్రణ రేఖ వెంబడి మోహరించిన భారత సైనికులు, తాము రక్షిస్తున్న దేశం యొక్క శాంతి, శ్రేయస్సు మరియు భద్రత కోసం దీపాలు వెలిగించి, పవిత్రమైన పూజ చేశారు.
దేశవ్యాప్తంగా ప్రజలు తమ కుటుంబ సభ్యులు, ఆత్మీయులతో కలిసి దీపావళిని జరుపుకుంటున్న తరుణంలో, కాశ్మీర్‌లోని నియంత్రణ రేఖ (LoC) వెంబడి మోహరించిన భారత సైనిక జవాన్లు తమ ఇళ్లకు దూరంగా, తాము ఉన్న యూనిట్లలోనే ఈ దీపాల పండుగను జరుపుకున్నారు.