అమృత్ సర్ దేవాలయంలో ‘‘వూజు’..’ ముస్లింకి రెండో సారి శిక్ష విధించిన కోర్టు

 

అమృత్ సర్ స్వర్ణ దేవాలయం పుష్కరిణిలో సుభాన్ రంగ్రేజ్ అనే ముస్లిం యువకుడు ‘‘వూజు’’ ((నమాజ్ చేసే ముందు కాళ్లు చేతులు కడుక్కుంటూ పులికిలించడం) చేయడం కలకలం రేపింది. దీంతో ఆ ముస్లిం యువకుడ్నిరెండో సారి కోర్టులో హాజరు పరిచారు. దీంతో కోర్టు 14 రోజుల పాటు జ్యుడీషియల్ కస్టడీకి అప్పగించారు.

 

నిజానికి జనవరి 24 న యూపీలోని ఘజియాబాద్ లో నిందితుడు సుభాన్ ఆచూకీ లభించింది. అక్కడే నిహంగ్ లు అతడ్ని పట్టుకొని, చెంపదెబ్బలు కొట్టి, పోలీసులకు అప్పగించారు., దీంతో దర్యాప్తు నిమిత్తం పోలీసులు అదుపులోకి తీసుకున్నారు. ఆ తర్వాత జనవరి 28 న కోర్టు మూడు రోజుల పాటు పోలీసు రిమాండ్ కి అప్పగించింది. నిజానికి జనవరి 13న ఈ వీడియో వైరల్ అయ్యింది. ఈ వీడియోలో ‘‘స్వర్ణ దేవాయలంలోని పుష్కరిణిలో నీటితో నోరు పుక్కిలించి, ఆ నీటిని తిరిగి పవిత్రమైన పుష్కరిణిలోనే పారబోస్తూ, వూజు చేయడం కనిపించింది.

 

దీంతో సిక్కులు తీవ్ర అభ్యంతరం వ్యక్తం చేస్తూ, ఆగ్రహం వ్యక్తం చేశారు. ఇది అత్యంత అపవిత్రమైన చర్య అని మండిపడ్డారు.