అమితాబ్ బచ్చన్ పోస్ట్తో వెలుగులోకి వచ్చిన ఇరాన్లోని 134 ఏళ్ల నాటి చారిత్రాత్మక హిందూ విష్ణు దేవాలయం
Total Views |
బాలీవుడ్ సూపర్ స్టార్ అమితాబ్ బచ్చన్ ఇటీవల చేసిన ఒక వైరల్ ఇన్స్టాగ్రామ్ పోస్ట్ కారణంగా ఇరాన్లోని ఒక పురాతన హిందూ దేవాలయం ఒక్కసారిగా ప్రపంచవ్యాప్త చర్చనీయాంశంగా మారింది. ఇరాన్లోని బందర్ అబ్బాస్ అనే వ్యూహాత్మక ఓడరేవు నగరంలో ఉన్న 134 సంవత్సరాల నాటి చారిత్రాత్మక విష్ణు దేవాలయం దృశ్యాలను, ఒక పర్షియన్ భాషా భక్తి గీతంతో ముడిపెడుతూ ఆయన పంచుకున్న వీడియో కేవలం 24 గంటల్లోనే కోట్లాది మందిని ఆకర్షించింది. ఈ ఒక్క పోస్ట్తో భారతదేశం , ఇరాన్ దేశాల మధ్య శతాబ్దాల నాటి వాణిజ్య, సాంస్కృతిక మరియు నాగరికత సంబంధాలు మళ్లీ సజీవంగా వెలుగులోకి వచ్చాయి. ఒక ఇస్లామిక్ దేశంలో ఇంతటి పురాతన హిందూ వారసత్వ కట్టడం ఇప్పటికీ భద్రంగా ఉందనే విషయం ఈ తరం నెటిజన్లను ఎంతగానో ఆశ్చర్యానికి గురిచేసింది.
ఈ విష్ణు దేవాలయం నిర్మాణం వెనుక ఒక గొప్ప చారిత్రాత్మక నేపథ్యం ఉంది. ఇరాన్ను ఖాజర్ (Qajar) రాజవంశం పాలిస్తున్న సమయంలో, బందర్ అబ్బాస్ నగరంలో స్థిరపడిన భారతీయ హిందూ వర్తకులు—ముఖ్యంగా గుజరాత్ ప్రాంతానికి చెందిన వ్యాపారులు, కార్మికుల ఆర్థిక సహాయంతో 1892లో ఈ ఆలయాన్ని నిర్మించారు.
ఈ ఆలయ వాస్తుశిల్పం ఇండో-ఇరానియన్ శైలుల అద్భుత కలయికగా నిలుస్తుంది. ప్రత్యేకమైన సెంట్రల్ డోమ్, శతాబ్దాల నాటి శ్రీకృష్ణుడు-రాధల పురాతన చిత్రపటాలు, తామరపూల శిల్పాలు మరియు బుద్ధుని విగ్రహాలు ఈ ఆలయ విశేషాలు.
దీని నిర్మాణానికి పగడపు రాయి, సున్నం, మట్టి మరియు స్థానిక ప్లాస్టర్ను ఉపయోగించారు, అందువల్ల ఇది కఠినమైన తీరప్రాంత వాతావరణానికి బాగా అనుకూలంగా ఉంటుంది. దీనికి ఒక ప్రముఖమైన, కేంద్ర గోపురం ఉంది, ఇది సాంప్రదాయ ఇరానియన్ నమూనా గోపురాల నుండి భిన్నమైన స్వతంత్ర వాస్తుశైలిని ప్రదర్శిస్తుంది. ఈ కట్టడంలో మధ్యలో ఒక ప్రార్థనా మందిరం ఉంది, దాని చుట్టూ భక్తులు ప్రదక్షిణ చేయడానికి వీలుంది. లోపలి వైపున మరియు గోడలపై శ్రీ కృష్ణుని చిత్రాలు ఇప్పటికీ ఉన్నాయి.
1979 నాటి ఇరాన్ విప్లవం తర్వాత అక్కడి భారతీయ కుటుంబాలు వెనుతిరగడంతో ఆలయంలో నిత్య పూజలు నిలిచిపోయినప్పటికీ,. గత ఒకటి పావు దశాబ్దాలుగాని వివిధ ఇరాన్ ప్రభుత్వాల హయాంలో, 2001 మార్చిలో ఆఫ్ఘనిస్తాన్లో తాలిబన్ నాయకుడు ముల్లా ముహమ్మద్ ఒమర్ అనుచరులచే కూల్చివేయబడిన బుద్ధుని విగ్రహాల గతి ఈ స్మారక చిహ్నంపై పడలేదు. ఇరాన్ సాంస్కృతిక వారసత్వ సంస్థ దీనిని ఒక ప్రత్యేక ఆంత్రోపాలజీ మ్యూజియంగా మార్చి నేటికీ అత్యంత జాగ్రత్తగా సంరక్షిస్తోంది అమితాబ్ బచ్చన్ తెచ్చిన డిజిటల్ గుర్తింపుతో ఇప్పుడు ఈ ఆలయ పర్యాటక ప్రాధాన్యత మరియు రెండు దేశాల సాంస్కృతిక బంధం మరింత బలపడ్డాయి.