గత కొంతకాలంగా తెలంగాణ రాష్ట్రంలో హిందూ దేవాలయాలు, విగ్రహాల ధ్వంసం మరియు అపవిత్రత సంఘటనలు వరుసగా వెలుగులోకి వస్తూ తీవ్ర ఆందోళన కలిగిస్తున్నాయి. 2025 నుండి 2026 ప్రస్తుత కాలం వరకు హైదరాబాద్ పాతబస్తీతో పాటు పలు జిల్లాల్లో చిన్న, పెద్ద స్థాయిల్లో జరిగిన కొన్ని ఉదంతాలు రాష్ట్రంలో సామాజిక, రాజకీయ వేడిని పెంచాయి. మత సామరస్యానికి ప్రతీకగా నిలిచే తెలంగాణలో ఇటువంటి పరిణామాలు భక్తుల మనోభావాలను దెబ్బతీయడమే కాకుండా, శాంతిభద్రతలకు సవాలుగా మారాయి.
రాష్ట్రంలో కాంగ్రెస్ ప్రభుత్వం అధికారంలోకి వచ్చినప్పటి నుండి ఒక నిర్దిష్ట ప్రణాళిక ప్రకారం కేవలం హిందూ దేవాలయాలనే లక్ష్యంగా చేసుకుని దాడులు జరుగుతున్నాయని ప్రతిపక్ష నేతలు ఆరోపిస్తున్నారుహిందువుల మనోభావాలు దెబ్బతీసేందుకు కొందరు ఉద్దేశపూర్వకంగానే . ఇటువంటి చర్యలకు పాల్పడుతున్నారని వారు విమర్శిస్తున్నారు.
ఓటు బ్యాంకు రాజకీయాల కారణంగానే అధికార యంత్రాంగం నిర్దిష్ట మైనారిటీ వర్గాలకు పక్షపాతంగా వ్యవహరిస్తోందని ప్రతిపక్షాలు ఆరోపిస్తున్నాయి. నిందితులపై కఠినమైన చట్టపరమైన చర్యలు తీసుకోకపోవడం వల్లే దుండగులకు భయం లేకుండా పోయిందని, చిన్న గ్రామీణ ఆలయాలపై కూడా దాడులు పెరగడానికి ప్రభుత్వ ఉదాసీనతే కారణమని వారు విమర్శిస్తున్నారు.
గ్రామీణ శివారు ప్రాంతాల చిన్న ఆలయాలపై దాడులు
పెద్ద నగరాల్లోనే కాకుండా మేడ్చల్, కీసర వంటి శివారు మరియు గ్రామీణ ప్రాంతాల్లో ఉన్న చిన్నపాటి ఆలయాలను లక్ష్యంగా చేసుకుని జరిగిన అపవిత్రత చర్యలు స్థానిక ప్రజలను తీవ్ర దిగ్భ్రాంతికి గురిచేశాయి.
కీసర, రాంపల్లి హనుమాన్ ఆలయాల ధ్వంసం:
మేడ్చల్ నియోజకవర్గ పరిధిలోని కీసర, రాంపల్లి ప్రాంతాల్లోని రామాలయ ప్రాంగణాల్లో ఉన్న హనుమంతుడి విగ్రహాలను కొందరు గుర్తుతెలియని దుండగులు అర్ధరాత్రి వేళల్లో ధ్వంసం చేశారు. కీసరలోని స్థానికులు ఉదయాన్నే విగ్రహం దెబ్బతినడం చూసి పోలీసులకు సమాచారం అందించారు. ఈ ఘటనలపై హిందూ సంఘాలు తీవ్ర నిరసన వ్యక్తం చేయగా, పోలీసులు సీసీటీవీ ఫుటేజీ ఆధారంగా విచారణ చేపట్టారు.
జవహర్ నగర్ అమ్మవారి విగ్రహం అపవిత్రత: కీసర ఉదంతానికి కొద్దిరోజుల ముందే మేడ్చల్ జిల్లా పరిధిలోని జవహర్ నగర్లో ఒక చిన్న ఆలయంలోని అమ్మవారి విగ్రహాన్ని అపవిత్రం చేసిన ఘటన వెలుగుచూసింది. ఈ కేసులో ఒక నిందితుడిని పోలీసులు వేగంగా గుర్తించి అరెస్ట్ చేశారు.
మేడ్చల్ రామలింగేశ్వర స్వామి ఆలయంలో దొంగతనం, నిరసనలు: మేడ్చల్ పరిధిలోని చారిత్రక రామలింగేశ్వర స్వామి ఆలయంలో గుర్తుతెలియని దుండగులు చొరబడి హుండీని పగలగొట్టి, ఆలయ వస్తువులను అపవిత్రం చేశారు. ఈ ఘటనపై స్థానిక భక్తులు, హిందూ సంస్థలు ఆలయం వద్ద పెద్ద ఎత్తున నిరసన ప్రదర్శనలు నిర్వహించి భద్రత పెంచాలని డిమాండ్ చేశారు.
రాష్ట్రవ్యాప్తంగా నమోదైన ఇతర ప్రధాన సంఘటనలు
గత కొన్ని నెలలుగా రాష్ట్రంలో నమోదైన ఇతర ముఖ్యమైన ఉదంతాలను పరిశీలిస్తే, దుండగుల చర్యలు స్థానికంగా తీవ్ర ఉద్రిక్తతలకు దారితీశాయి:
మహబూబ్నగర్ ముత్యాలమ్మ గుడి ధ్వంసం (మే 2026): బక్రీద్ పండుగ సమయంలో మహబూబ్నగర్ పరిధిలోని ముత్యాలమ్మ ఆలయంలోని అమ్మవారి విగ్రహాన్ని కొందరు దుండగులు రాత్రికి రాత్రే పాక్షికంగా ధ్వంసం చేశారు. ఈ ఘటన స్థానికంగా తీవ్ర అశాంతికి దారితీసింది.
కోరుట్లలోని ఆలయాల వద్ద గోమాంసం పడేసిన దుండగులు : తెలంగాణలోని జగిత్యాల జిల్లా కోరుట్ల పట్టణంలో బక్రీద్ పండుగ సందర్భంగా అర్ధరాత్రి వేళ లక్ష్మీ నారాయణ స్వామి దేవాలయం, హనుమాన్ ఆలయం సమీపంలో కొందరు దుండగులు గోమాంసం (పశువుల వ్యర్థాలు) పడేయడం తీవ్ర ఉద్రిక్తతకు దారితీసింది. పవిత్రమైన ఆలయాల పరిసరాల్లో మాంసం వ్యర్థాలను పడేయడంపై హిందూ సంఘాలు, భక్తులు తీవ్ర ఆగ్రహం వ్యక్తం చేశారు. తమ మతపరమైన భావాలను దెబ్బతీసేలా ప్రవర్తించిన నిందితులను వెంటనే అరెస్ట్ చేయాలని డిమాండ్ చేస్తూ బీజేపీ శ్రేణులు, హిందూ నాయకులు స్థానికంగా పెద్ద ఎత్తున ఆందోళనలు చేపట్టారు.
వరంగల్ చారిత్రక శివాలయం కూల్చివేత (మే 2026): వరంగల్ జిల్లా ఖానాపూర్ మండలం అశోక్నగర్ గ్రామంలోని మట్టికోటలో ఉన్న సుమారు 800 ఏళ్ల నాటి కాకతీయ కాలపు పురాతన శివాలయాన్ని ప్రభుత్వ విద్యా సంస్థ భవన నిర్మాణ ప్రక్రియలో భాగంగా బుల్డోజర్లతో కూల్చివేశారు. చారిత్రక సంపదను ధ్వంసం చేయడంపై స్థానికులు, హిందూ సంఘాలు పెద్ద ఎత్తున నిరసనలు చేపట్టడంతో, జిల్లా కలెక్టర్ స్పందించి అదే స్థలంలో ఆలయాన్ని తిరిగి పునర్నిర్మిస్తామని ప్రకటించారు.
బార్కాస్ శ్రీ ద్విముఖ హనుమాన్ మందిరం (ఫిబ్రవరి 2026): చంద్రాయణగుట్ట పరిధిలోని బార్కాస్లో ఉన్న దాదాపు 200 ఏళ్ల నాటి చారిత్రక ఆంజనేయ స్వామి ఆలయ గ్రిల్స్ తాళాలు పగలగొట్టి, లోపలికి ప్రవేశించిన దుండగులు స్వామివారి విగ్రహ సింధూరాన్ని చెరిపివేసి గర్భగుడిని అపవిత్రం చేశారు.
పూరానాపూల్ మైసమ్మ ఆలయంపై దాడి (జనవరి 2026): సంక్రాంతి పండుగ వేళ పూరానాపూల్ దర్వాజా వద్ద ఉన్న మైసమ్మ ఆలయంలోకి ఒక వ్యక్తి చొరబడి పీఓపీ (POP) విగ్రహాన్ని, ఫ్లెక్స్ బ్యానర్లను ధ్వంసం చేశాడు. ఈ ఘటనతో ఆగ్రహించిన జనసమూహం ప్రతిదాడికి దిగడం, నిరసనకారులను అదుపు చేసే క్రమంలో నలుగురు పోలీసులు గాయపడటం తీవ్ర సంచలనం సృష్టించింది.
సఫిల్గూడ కట్టమైసమ్మ ఆలయ ఉదంతం (జనవరి 2026): మల్కాజ్గిరి పరిధిలోని సఫిల్గూడ కట్టమైసమ్మ ఆలయ గర్భగుడి పరిసరాల్లోలోకి ఒక వ్యక్తి అక్రమంగా చొరబడి మలమూత్ర విసర్జన చేస్తూ తీవ్ర అపవిత్రతకు పాల్పడ్డాడు. స్థానికులు అతడిని పట్టుకుని పోలీసులకు అప్పగించారు. నిందితుడు మానసిక వికలాంగుడని పోలీసులు ప్రకటించినప్పటికీ భక్తులు దీనిపై తీవ్ర ఆగ్రహం వ్యక్తం చేశారు.
రాజకీయ దుమారం , సామాజిక స్పందన...
ఈ దాడుల పరంపర తెలంగాణలో తీవ్ర రాజకీయ వివాదానికి కేంద్రబిందువుగా మారింది. రాష్ట్రంలో కాంగ్రెస్ ప్రభుత్వం అధికారంలోకి వచ్చినప్పటి నుండి హిందూ దేవాలయాలకు భద్రత కరువైందని, చిన్నపాటి గ్రామీణ ఆలయాలను కూడా వదలకుండా దాడులు జరుగుతున్నాయని హిందూసంఘాలు తీవ్ర ఆందోళనవ్యక్తం చేస్తున్నాయి. చిల్కూర్ బాలాజీ ఆలయ ప్రధాన అర్చకులపై జరిగిన దాడి వంటి ఘటనలను కూడా నేతలు ప్రస్తావిస్తూ తీవ్ర నిరసనలు వ్యక్తం చేశారు.
ఆలయాలు కేవలం మతపరమైన కేంద్రాలు మాత్రమే కాదు, అవి సమాజ సంస్కృతికి మరియు చారిత్రక వారసత్వానికి ప్రతీకలు. గ్రామీణ ప్రాంతాల్లోని చిన్న ఆలయాలకు సరైన భద్రత, సిసిటివి నిఘా లేకపోవడం దుండగులకు అవకాశంగా మారుతోంది. రాష్ట్రంలో ఇటువంటి అవాంఛనీయ సంఘటనలు పునరావృతం కాకుండా చూడటానికి అన్ని చిన్న, పెద్ద దేవాలయాల వద్ద నిఘాను పెంచడం, రాత్రి పూట పోలీసు గస్తీని ముమ్మరం చేయడం మరియు దోషులకు త్వరితగతిన కఠిన శిక్షలు పడేలా చూడటం ఎంతైనా అవసరం.
